深田恭子久未露面,秘密修身成功,全靠「熱香蕉減肥餐」!

46

久未露面嘅深田恭子,早前大爆自己瘦身秘方,原來係全靠食香蕉!而香蕉減肥法早唔係新鮮事,但要食完瘦得快,唔係單單就咁搣皮食就得,而深田恭子直指佢成功減去12KG,全因夜晚食香蕉;有時口痕想食宵夜嘅你,不如參考以下夜間香蕉食譜,止餓又瘦身!

香蕉既能有助消化,又可以幫身體排毒,最重要能增加飽肚感,小編平日都會喺家中長備,而日本腸道醫師松生恒夫醫師就建議晚餐前先食2根香蕉再飲水,隔30分鐘後再食晚餐。

咁樣可以令你晚餐食小啲,只要晚餐減少份量,好快就會見到身形有所改善!

夜間香蕉減肥法

香蕉肉桂吐司

只要喺香蕉片上撒上肉桂粉,肉桂粉有助加快新陳代謝,都係減肥聖物,記得選用全麥麵包,而砂糖就隨你喜歡,小編建議唔好落啦,揀返較熟嘅香蕉,糖分同甜味一樣夠!

A post shared by Anna Arteaga (@annaarteagaphoto) on

A post shared by Diana Carmo (@diddycarmo) on

或者配搭牛油果同花生醬,味道一樣咁正,仲有豐富蛋白質同健康脂肪,飽肚又好味!

A post shared by Manja (@mabananja) on

香蕉Smoothie

將香蕉同牛奶用攪拌機拌匀(小編建議可用荳漿或杏仁奶代替),冷藏後可加入喜歡嘅水果、穀麥片,甚至加入奇亞籽、亞麻籽等,增加飽肚感!

A post shared by See.Taste.Do (@see.taste.do) on

熱香蕉早餐

除咗夜晚,香蕉加熱後不但唔會破壞佢嘅纖維,反而更易被人體吸收,一早食佢有助腸道蠕動,幫你清走宿便,深田恭子就係靠以上幾招,減去拜拜肉同Baby Fat嫁啦!