美國皇牌藥妝Mario Badescu,多年囗碑不斷,平價「治瘡品牌」!

暗瘡肌膚要留意啦,今次介紹嘅Mario Badescu來自美國,有著不同系列,係多位歐美美容博客大力推介嘅「治瘡品牌」,自1967年 ...

10819

暗瘡肌膚要留意啦,今次介紹嘅Mario Badescu來自美國,有著不同系列,係多位歐美美容博客大力推介嘅「治瘡品牌」,自1967年已經成立,唔少用家都讚佢嘅產品快見效又實惠!特別一提就係佢嘅暗瘡藥粉,用完第二日,暗瘡即刻淡咗,仲有其產品小編都會為大家介紹!

DRYING LOTION (17.00 USD)

曾被推選為最佳治瘡產品,過夜使用,主要含有水楊酸同氧化鋅等,能夠軟化角質,即時幫皮膚消毒、抗菌,令成份更易滲入暗瘡位置,只要用棉花棒沾上底層粉紅粉沫,然後點喺面上,第二朝洗走,網友指會消退紅腫同平返!

不過!用前千其唔好搖個樽,仲有切勿吱完暗瘡後用,因為呢款DRYING LOTION主要用於閉口同新生暗瘡,以及白頭,如果有傷口就會感到好拿… …

A post shared by Judy S (@beautyjudy) on

BUFFERING LOTION (19.00 USD)

相比DRYING LOTION,BUFFERING LOTION藥性會更強,適合頑固、又硬又腫嘅暗瘡,特別適合易生石頭瘡嘅你。

一樣建議過夜使用,有助平伏囊腫位置,只要輕輕用幾滴,點喺患處就可以。

DRYING MASK (18.00 USD)

同樣適用於暗瘡肌膚,定期使用可以幫你清理毛孔阻塞物,防止長暗瘡同同暗粒,而敷上去後,會感到小小清涼,全因菱鋅礦同青瓜精華,令你有Refresh感覺;唔少人都大讚對大範圍暗瘡非常有效!

如果用DRYING MASK前,先喺較明顯嘅暗瘡點上BUFFERING LOTION,然後敷上面膜15-20分鐘,洗完面再點上BUFFERING LOTION,第二日,保證大暗瘡即平!絕對係袪瘡孖寶!

FACIAL SPRAY WITH ALOE, HERBS AND ROSEWATER (7.00 USD)

通常用完暗瘡產品,皮膚都會偏乾,仲要加上暗瘡位置可能會甩皮,,所以保濕都好重要,但又唔可以用得太過潤,呢枝玫瑰水噴霧就啱曬啦!仲要加入蘆薈同墨角藻同百里香,保濕效果比一般噴霧更高!

除咗可以早晚用,仲可以化完妝同補妝時用,可令妝容更貼服!小編都會建議公司可長備一枝,避免冷氣抽乾皮膚水分,就算敏感肌或乾性肌都啱用,質地夠曬滋潤!

除以上4件產品,Mario Badescu仲有好多好用產品,適合唔同肌膚,有興趣可上官網睇返!