熱賣美牌遮瑕液,28色HD Pro Conceal大受網民歡迎,透薄不卡粉!

216

有留意開歐美彩妝嘅你,一定對呢枝遮瑕液唔陌生,來自美國嘅L.A. Girl Cosmetics,所推岀嘅HD Pro Conceal一直都比唔少YouTuber大讚,最重要價錢又唔貴,但遮瑕效果卻令人驚嘆,網上評價都係拎滿分,如果唔知佢到底有幾厲害,就要留意小編分享!

HD Pro Conceal共有28隻色,當中有7隻顏色都係用作Corrector調色,特別針對色素較深嘅位置,例如眼圈同雀斑等(唔少人都大推橙色啊),另外新出嘅白色更可當作提亮,可謂一物多用!

L.A. Girl Cosmetics

而另外21隻色可適用於不同膚色人士,就算矖黑咗都可以搵到隻啱你嘅膚色,唔怕眼底會變灰,變熊貓啦~

佢嘅質地易推,遮瑕度又夠高,每次所需用量唔多,唔夠先再加上去!

小Tips!記得Corrector係用喺粉底前,上粉底之後先再用同自己膚色相近/白半度嘅顏色遮眼圈,咁樣就可以更完美咁遮住一雙熊貓眼~

BáraBeauty
BáraBeauty
BáraBeauty
BáraBeauty

HD Pro Conceal 共有8g,價錢都係5USD (港幣50蚊都唔洗!!),除咗可以上官網買外,小編曾喺旺角格仔鋪都有見過,有興趣不妨去睇吓啦!