攝取熱量不夠反易肥?卡路里不代表一切,不要再只睇包裝上的標籤!

164

好多人都以為食物包裝上嘅卡路里就代表一切,卡路里愈低,減肥成效愈高。但又知唔知健美選手每日都會攝取大量卡路里,幫助身體燃燒脂肪;最重要係要清禁知道自己每日應攝取幾多卡路里,過低反而會弄巧反拙。2種食物有一樣卡路里,但其中一種反令你愈食愈瘦!

網上有唔少卡路里計算網站,只要輸入個人資料,如性別、年齡、身高同體重,就能幫你計岀每日身體應攝取嘅卡路里。

有啲甚至能幫你計算如果想減重或增重應攝取卡路里!

有時候你睇包裝上食物標籤,有可能會發現零食卡路里同健康食品一樣,以為咁就代表任選兩者都得?

你咁諗就錯啦!有如平日早餐常食嘅可可片同麥皮,雖然可可片卡路里比麥片低,但其含糖量高,一樣可引致肥胖同有車呔腰!相反麥皮含豐富膳食纖維,能促進消化,幫助排便。

再舉一個例子,中午過後,口痕想食零食,薯片係小編至愛。但數十塊嘅薯片原來已經等如一根香蕉、車厘茄、餅乾,仲有芝士!

想減肥其實唔一定要食青菜雞胸,同樣都可以食得好豐富只要你用蔬果或低糖、低碳水化合物代替主糧,一樣有成效。

如果身體攝取唔夠卡路里,反而會由你所食嘅食物保存油脂或糖分,確保有足夠能量,咁樣只會得不償失!