范冰冰新劇華麗預告曝光!《武媚娘傳奇》原班人馬,演活中國史上女首富!

125

范爺 范冰冰又有新劇啦!由《武媚娘傳奇》原班人馬打造嘅古装傳奇劇《贏天下》,早前終放首部預告,而今次演員卡司陣容強大,講述范爺所演嘅巴清,如何從弱勢女子一步步走入大秦上層,最終成就傳奇人生嘅故事,相信今次又會掀起一場「巴清熱潮」,猶如早年《武媚娘傳奇》一樣!

Weibo

據講《贏天下》成本斥資高達5億人民幣,唔止有范爺、仲有高雲翔、嚴屹寬、馬蘇、張國立、郭品超等一眾好戲之人主演,仲請來潘迎紫強勢加盟,飾演華陽太后!

Weibo
Weibo
Weibo

單睇海報同劇照,戲中華麗程度絕不比《武媚娘傳奇》差,小編最期待當然係戲中一套套嘅靚衫,特別係范爺著上後,完全突顯出其古典東方美!

 

Weibo
Weibo

范爺戲中所演嘅巴清,係中國史上首位女性企業家,家道中落,早年喪夫成為寡婦;但憑高超醫術同膽識,富可敵國,更曾出資修築長城!而戲外嘅范爺同樣都係唯一一位華人躋身「全球10大最高收入女星排行榜」!

Weibo

巴清決絕果斷,而且有著鍥而不捨嘅毅力,同秦始皇有著愛恨交纏嘅關係,相信劇集播出後,一定有唔少勵志台詞於網上廣傳。

Weibo

巴清妨彿就係為范爺度身而制嘅角色,既有霸氣又有柔情嫵媚一面,雖然未有確實播出日期,但小編已經準備好追劇啦!