「冰塊護膚」的6大功效,連荷里活化妝師都推薦,妝前冰敷皮膚猶如打了柔光燈!

15509

市面美容儀器愈出愈多,而且好多都標明多項功能集於一身,但除咗去美容院到做facial外,原來家中嘅冰塊都一樣解到你護膚須要。唔少名人、化妝師私下都會用上冰塊護膚,就連小編都唔例外!最重要係零成本就能達到即時效果,人人都推薦,仲唔趕快試吓!

Pinterest

1.消除眼袋

做法:用毛巾包住冰塊敷於眼周約5-10分鐘。又或者將黑茶製成冰塊,切片青瓜雪凍再用來敷眼,效果更顯著。

Pinterest

晚餐食得過咸,朝早起床好易口腫面腫,特別係眼袋位置。但返工前又邊有咁多時間按摩消腫… 而冰塊就能短時間內促進血液循環,去除眼部浮腫問題,省時又方便,OL一族必用。

 

2. 提亮美白

做法:將水果如青瓜、草莓打碎後,加適量的水製成冰塊,再在臉上輕輕地來回打滾,每週一次。

Pinterest

除此之外,冰塊原來有改善皮膚暗啞無光、舒緩膚質功效。而且係即時見到提亮效果,比美白產品更加天然。最適合夏天去完戶外活動後急救用。

3. 止痛鎮定

做法:修眉脫毛前後,用冰塊冷敷1分鐘。

Pinterest

冰所造成嘅冰冷麻痺感能減低痛楚。修眉前後,就可以將冰塊於眉毛附近來回滾動,收縮毛孔,同時也能減低因毛孔擴張而生暗瘡的機會,囇怕痛人士。

4. 收緊毛孔

做法:妝前、搽精華、去黑頭後用冰塊於臉上滾動10秒,或者將冰塊加入水中洗面。

Lisa Eldridge YouTube
Lisa Eldridge YouTube

講起冰塊護膚,相信呢個方法唔少人都試過!只需幾秒鐘可縮短血液流量,收緊粗大毛孔同撫平細紋。荷里活化妝師兼YouTuber Lisa Eldridge就示範宿醉後,利用冰塊滾面再上妝,能消腫外,底妝更加貼服無暇!

5. 去除角質

做法:將水果、蔬菜搗成泥,與水混合後倒入冰格裡冷凍, 形成後用水果冰塊輕輕按摩全臉。 在冰塊融化的過程中, 水果泥塊也在間接去除老廢角質、污物, 每週一次。

Pinterest

冰塊都能去角質?呢個作為面部特殊護理一部分, 可試試DIY冰塊磨砂膏,能提亮皮膚,變得光滑。

6. 極速去痘

做法:徹底潔面後,用乾淨毛巾包住冰塊 ,在暗瘡部位輕輕按摩5分鐘,只需兩三天即可見效。

Pinterest

冰敷亦有鎮靜舒緩功效,於痘痘區域消除紅腫,更可減輕暗瘡帶來疼痛感。原理係以低溫令暗瘡內的血管收縮,減少腫脹。如果臉上暗瘡較多,切記唔好一大包冰塊直接按摩整張臉,要逐粒逐粒慢慢按。